Reykjavík

2007-11-20T23:20:00.000Z

Heil og sæl öll sömul.

Jæja tíminn tætist áfram og nóvember nú vel hálfnaður og ekki seinna vænna en að skella inn nýrri færslu hér. Má meira að segja að það sé vel við hæfi enda er komið að ákveðnum tímamótum hjá okkur hjónum er tengjast þessari blessuðu síðu.

Þessi síða var að sjálfsögðu stofnuð í þeim tilgangi að segja frá lífinu okkar í Edinborg. Á föstudaginn næsta förum við hjúin hins vegar til borgarinnar fögru í 6 daga fer til að vera við útskriftirnar okkar og því eru upphaflegu tengslum okkar við borgina að ljúka. Við taka ekki síðri tengsl, þ.e. enginn skóli og verður borgin bara "orlofs-staðurinn" okkar :)

Annars útskrifast Doddi með M.Sc. í Finance & Investment þriðjudaginn 27. nóv kl. 11:00 og ég með LLM í European Law miðvikudaginn 28. nóv kl. 15:00.

Eðlilega er ágætis tilhlökkun í okkur og verður gaman að hitta skólafélagana aftur... og auðvitað eru öll kvöldin orðin bókuð!

Aldrei að vita nema það komi svo létt ferðasaga frá okkur eilfíðarstúdentunum. Þannig að ég segi:
"Þá er ekki meira í þættinum í kvöld, veriði sæl."

Unnur Kristín

2007-10-30T22:06:00.001Z

Jæja, ég verð að viðurkenna það að ég hef ekki litið við þessu blessaða bloggi í fleiri mánuði. Enda var það svo sem fyrst og fremst búið til svo við gætum frætt fjölskyldu og vini um veru okkar í Edinborg.

En það er víst svo að við eigum eitthvað af vinum erlendis og þótt við séum nú sest að á klakanum í bili þá hittum við þá víst jafn lítið. Þannig að það er bara sjálfsagt að skrifa nokkrar línur hér núna.

Við erum sem sagt flutt til Íslands eftir ágætis dvöl í hinni yndislegu Edinborg. Reyndar er nú verið að plana smá heimsókn þangað út í nóvember til að hitta vini og ná í skírteinin sem við drekktum okkur í vinnu til að fá. Mikið verður gott að koma þarna núna og hí-a á þá sem byrjuðu í haust því hvað maður öfundaði þessa sem maður mætti skælbrosandi með prófskírteinið sitt í fyrra.
Núna á maður eftir að geta notið jólamarkaðarins og maður getur fengið sér bjór án þess að fá samviskubit eða reyna að ná síðasta strætó heim til að varast óæskilegar afleiðingar og lágmarks framleiðni daginn eftir.

Doddi er nú reyndar laus úr klóm skólans en eitthvað sést kallinn nú lítið eftir að Kaupþing náði heljartökum á kappanum. Ég, aftur á móti, get bara hreinlega ekki stoppað mig og sit núna sem fastast við tölvuna við enn ein ritgerðarsmíðin. Og ekki er nú ritgerðarefnið af lakari endanum, evrópskur samborgararéttur. (ef einhver veit eitthvað um þetta fyrirbæri þá eru allar upplýsingar vel þáðar).

En það að ég sé farin að blogga er kannski merki um að það fer að styttast í skil og ég eigi að vera að gera eitthvað allt annað... sem er satt.

Bið að heilsa í bili,
UK

2007-09-23T21:11:00.000Z

Við erum lent á landinu bláa eins og flestir vita.

Ég er byrjaður að vinna og við erum flutt inná Davíð og Lísu. Þau fara nú að losna við okkur.

Annars er Giggs gjörsamlega einfættur miðað við sendinguna í dag á Tevez.

Kv.
Doddi

2007-08-31T11:18:00.000Z

Upplífgandi að slást við tölvuvírusa á föstudagsmorgni, tala nú ekki um þremur dögum fyrir skil á lokaritgerð. Ég hafði hann þó undir. Bjargaði ritgerðinni og er bara nokkuð sáttur.

Sá The Bourne Ultimatum í gær. Hún var bara nokkuð góð. Spurning um að fara rýna betur í The Guardian. Tímaspursmál hvenær sú fjórða kemur, jafnvel fimmta og svo framvegis.

Doddi

2007-08-28T10:40:00.001Z

Svei mér þa ef stjornuspain hefur þetta ekki bara rétt.

"Ljón: Þú stendur þig betur þegar þú hefur of mikið að gera. Ef þú hefur lítið að gera, viltu helst ekkert gera. Bara bestu hugmyndirnar hreyfa við þér."

2007-08-18T17:20:00.001Z

Veðrið er nú alltaf klassískt umfjöllunarefni. Sama virðist vera með "Er að lesa" og "Er að hlusta á".

Jesús, hvað bloggið okkar væri leiðinlegt ef við tækjum uppá því að þylja upp það sem við lesum. Hvað finnst ykkur um þetta?

"How Profitable is Capital Structure Arbitrage?" eftir Fan Yu.
"Credit Derivatives: The Definitive Guide" ritstjóri Jon Gregory.
"The Subordinated Debt Alternative to Basel II" eftir Richard J. Herring.

Er ekki flestum sama um þetta?

kv.
Doddi

2007-08-16T11:43:00.000Z

"I pity the fool who reads my dissertation, I do! I do! I pity the fool who beliefs my dissertation!"

Cheerio
Toby

2007-08-15T09:30:00.000Z

Já, uppáhalds myndin mín birtist aftur á www.mbl.is í morgun og núna táknar hún "kúluvömb".
Hér kemur textinn sem myndinni fylgdi: "Þó það geti verið gott að klípa í vömbina þá er hún sögð vera merki þess að hjartað og æðarnar séu í hættu."

Kv.
UK

2007-08-15T00:23:00.001Z

Það er leiðinlegt að sjá að Bifröst virðist hafa þurft að framlengja umsóknarfrest vegna náms til BA prófs í heimspeki, hagfræði og stjórnmálum. Væntanlega er það vegna vöntunar á umsóknum. Það er af sem áður var þegar þrír voru um hvert pláss í viðskiptadeildinni. Líklegast vilja ennþá margir feta þann veginn sem og læra til lögfræði. Mér skilst að það hafi verið 900 umsóknir um 50 pláss í þessu námi sem ég er vonandi að klára hérna. Þetta jaðrar við að vera montfærsla, ég sé það núna.

Þegiðu Þórbergur!

2007-08-12T16:58:00.000Z

Enska deildin byrjuð. Strax eftir fyrstu umferð verð ég líklegast að finna mér nýtt lið til að styðja. Markalaust jafntefli er ekki ásættanlegt gegn liði með tæplega 20% af byrjunarliðinu frá Íslandi.

Sláandi niðurstöður í ritgerðinni. Módelið sem ég er búinn að byggja hefur sterkari skýringarkraft með markaðsvirði eiginfjár en ekki bókfærðu virði. Þetta er undarlegt þar sem fjármálastjórar segjast ákvarða skuldsetningarhlutfall út frá bókfærðu virði. Vonandi að þetta geti skapað líflega umræðu!

Kv.
Doddi

2007-08-10T14:04:00.000Z

Stórtíðindi!

Tilraunir okkar til að reyna að eignast Hellubakka 6 á Selfossi er lokið. Þessi sorgarsaga hefur staðið yfir í rúma þrjá mánuði.

Annars er ég kominn með nýtt hobbý. iPod og iTunes er eitthvað sem maður sleppir ekki þessa dagana. Fínt að taka iPod-inn með sér í ræktina. Búinn að vera nokkuð duglegur í henni undanfarnar vikur en árangurinn lætur eitthvað á sér standa. Mig grunar að American Custard Donuts úr Sainsbury's séu ekki þetta megrunarfæði sem af er látið.

Áfram Manchester!

Kv.
Alex

2007-08-09T15:20:00.000Z

Þar sem Lúlli varð eitthvað hörundsár út af West Ham færslunni þá er best að líta á hvað Guardian segir um Arsenal.

On the road the Gunners would be:
The Flintstones' Flintmobile:
While progress might have appeared serene, it was in fact propelled by the speed and power of one man, whose legs had to work furiously to provide any momentum at all. But take him away and what are you left with? You do wonder. If the apparent lack of investment continues it may end up looking like something from the Stone Age.

Kv.
Alex

2007-08-08T09:08:00.000Z

Var að fletta í gegnum "The Season 2007/08" þar sem fjallað er um ensku deildina og tímabilið framundan. West Ham (eða The Hammers) fá nokkra bita. Fyrst er það "Meet the owners ...". Þar er saga Björgólfs Guðmundssonar rakin í örstuttu máli. Endað er á Status: "Bjorgolfur is not very good at reading the small print" (eða: Björgólfur er ekki mjög góður að lesa smáa letrið).

Annars punktur tengdur þessu Tevez (og ég man ekki hvað hinn heitir) máli er gælunafnið The Hammers en þessi bæklingur vill meina að The Shammers væri meira við hæfi.

Kv.
Doddi

2007-08-06T16:31:00.000Z

Svei mér þá ef maður verði ekki bara að fara trúa stjörnuspánni.

Ljón: Í miðjum klíðum við áskorun ertu nú þegar sigurvegari. Hvort sem niðurstöðurnar eru þær sem þú vildir eða ekki, ertu reynslunni miklu ríkari.

Ef við getum fellt meistararitgerð undir áskorun þá er ég búinn að vinna hana. Er að fá niðurstöður sem eru ekki alveg eins og ég vill. Verð eitthvað að reyna að ljúga mig út úr því. Ætli þetta þýði samt ekki að ég geti hætt að skrifa.

Kv.
Doddi

2007-07-31T16:29:00.000Z

Ég þakka hugheilar baráttukveðjur í tilefni dagsins í gær.

Sumir eru þó eitthvað að ofmeta tímamismuninn! hahahaha

2007-07-27T18:24:00.000Z

Nýjar myndir komnar!

Sé að Egill Helga og Hannes Hólmsteinn eru ekki sammála um ágæti vinnuframlags í USA og Evrópu. Styttri vinnuvika og lengra sumarfrí eru normið í Evrópu í samanburði við USA. Ef ég man rétt þá hefur meðalvinnuvika á Íslandi hækkað úr 42 tímum í 53 tíma síðastliðin 10 ár. Þetta er almennilegt! Gaman að hugsa til þess þegar maður er að skella sér aftur á vinnumarkaðinn.

Krónan aftur farinn að veikjast. Það er ágætt. Stórtíðinda jafnvel að vænta.

Kv.
Doddi

2007-07-27T13:59:00.000Z

Þá er nú afmælisvertíðin gengin í garð. Aron Már frændi átti afmæli í gær. Blessað barnið hann Lúlli litli á svo afmæli á morgun og svo er það tvöfalt á mánudaginn. Thelma Rún frænka Unnar á afmæli sem og undirritaður.

Annars náðum við að koma okkur heim frá Carnoustie eftir vel heppnaðan lokadag á British Open. Það var gaman af því að sjá þessa kappa þó svo að Garcia eða Romero hefðu mátt vinna frekar en blessaður Harrington.

Annars fara kannski að koma fleiri myndir.

Kv.
Doddi

2007-07-14T17:57:00.000Z

Golf í gær. Var ekki magnaður. Sló ein 82 högg (par 70).

Fórum í dýragarð um daginn. Það er hálf dapurlegt að horfa á blessuð dýrin lokuð í búrum.

Búinn að borða yfir mig núna.

Kv.
Doddi

2007-07-07T17:35:00.000Z

Unnur's lookalikes!

2007-06-13T21:34:00.000Z

Er staddur í London. Eða "I'm in London!!" eins og þeir orðuðu það svo skemmtilega í Smack the Pony.

Dvöl mín í London tengist bókhaldsnámskeiði á vegum Kaupþings. Er fullur tilhlökkunar því á föstudaginn fæ ég að taka enn eitt prófið á ævinni.

Fórum þrír í gær og ætluðum að borða. Löbbuðum líklegast í 20-30 mín og vorum að vera úrkula vonar að finna veitingastað. Hélt að maður þyrfti ekki að labba þetta lengi í London til að finna einn skitinn veitingastað eða pöbb. En hvað um það. Þar var framið rán um hábjartan dag. Pantaði mér “slow roast Borray lamb”, kartöflubáta og pínulítinn bjór. Allt þetta á rúm 30 pund. Ég sé svo sem ekkert sérstaklega á eftir 30 pundum í mat en þetta var langt frá því að vera matur. Þetta var eins og rúllupylsa, gras og viðbrenndar kartöflur.

Á mánudaginn bauð Kaupþing í mat. Átti að vera “informal”. Tóku það kannski fullalvarlega því að ég hélt ég væri að labba inná Dússabar. Maturinn var hins vegar svakalega fínn. Yfirmaðurinn hafði orð á því að við skyldum taka eftir því hvert okkur væri boðið þegar það væri “bear market” en ekki “bull market”.

Djöfull er ég að verða búttaður.

Kveðja,
Doddi

2007-06-10T13:53:00.000Z

Sukk og svínarí...

Já, djammið heldur áfram hér í Edinborg. Held að hún Ása mín hafi komið okkur óþægilega mikið á bragðið eftir mjög svo dræman social í vetur, amk kenni ég henni alfarið um þessa drykkju á okkur undanfarið :)
Í gær var skellt sér í BBQ hjá einum "bekkjarfélaga" mínum. Vorum við hjónin nú hálf löt við að mæta þar eftir að hafa legið í görðunum við Princes Street og reynt að viðra af okkur bjórþefinn frá kvöldinu áður. Það var auðvitað bara eitt ráð til að vekja sig aftur og það var bjór. Svo það var skellt sér á einn pöbb við St. Andrew's Square og keyptur ískaldur bjór og viti menn, við vorum klár í BBQ :)
Þar mættu fullt af fólki, sumt höfum við nú hitt áður og spjallað við en auðvitað kynntumst við nýju fólki í gær. Alltaf gaman af því. En það sem var nú skemmtilegast við gærkvöldið var að við skelltum okkur á Ceilidh en það eru skoskir þjóðdansar. Þessir dansar eru sko ekkert grín og kostaði það blóð, svita og tár að komast í gegnum heilt kvöld af þessu. Trylltir síðhærðir skoskir karlmenn í pilsum eru ekki sérlega mjúkhentir og það var sko engin misskun. Manni var sveiflað út um allt og yfir allt... Hressandi!
Eftir þetta var auðvitað nauðsynlegt að fá sér einn kaldann til að róa taugarnar áður en haldið var á klúbbana á George Street....
Skrölltum við svo heim um þrjú í nótt og nú er bara verið að taka því rólega, enda ekki annað hægt fyrir harðsperrum, marblettum, þynnku, hælsærum og ýmsum öðrum fylgikvillum Ceilidh :)

Kveðja,
Unnur Kristín

2007-05-31T17:10:00.000Z

Haldiði að fyrsta jólaauglýsingin hafi ekki komið í sjónvarpið áðan...og eingungis 207 dagar til jóla!!

Kv.
UK

2007-05-30T12:25:00.000Z

Jæja, þá er langri og verulega blautri helgi lokið hér í Edinborg... Já, Ása mín kom til mín og verður að segjast að Unnur Kristin og Asmunda hafa varla djammað svona síðan fyrir allt of mörgum árum... Takk Ása mín fyrir yndislega helgi :)

Annars fer nú alvaran að taka við aftur og verður maður að fara að setjast yfir enn eina djöfulsins ritgerðina! Sú sjöunda núna í röðinni og fer maður nú að verða nett pirraður á þessu helv... námi.

Annars styttist nú í að mútta og pápi gamli komi til okkar, en ég reyndar leyfi mér að efast að djammið verði tekið af jafn mikilli hörku og nú síðast !

Kv.
Unnur Kristín

2007-05-23T12:16:00.001Z

Jæja þá erum við komin heim í Edinborgina eftir alveg hreint ágætis Íslandsför. Þrátt fyrir að við færum um 17 stiga hita í 6 gráður þá getum við ekki sagt annað en gott hafi verið að sjá þetta gamla góða sker okkar :)

Mútta gamla beið á flugvellinum eftir okkur og skilaði heilum á húfi (þrátt fyrir ítrekaðar tilraunir til annars) á Laugarvatn þá um kvöldið. Að sjálfsögðu var komið við í matvöruverslun og náði tengdasonurinn að suða út svín og pylsur á grillið (þurfti nú reyndar lítið að hafa fyrir því). Á Snorrastöðum var svo tekið vel á móti okkur og voru Jóhann, Gugga og Thelma Rún þar og vorum við tekin í púsl með þeirri yngstu um leið og við komum :) Kvöldið eftir var svo grillað í Háholtinu og sötraður "tollur" fram eftir kvöldi. Kíktu Daníel og Ragnhildur við og voru margar "stórskemmtilegar" stundir frá því eldgamladaga rifjaðar upp...
Við vorum nú ekki meira spennandi gestir en það að gamla settið stakk af til Parísar um nóttina. Því lá leiðin frá Laugarvatninu daginn eftir en þó var ekki lagt af stað fyrr en eftir pylsupartý í hádeginu hjá Jóhanni og Guggu. Leiðin lá næst í Stóragerðið til Davíðs stórabró og Lísu... og auðvitað Bryndísar Örnu og Aldísar Emmu :) Doddi var nú ekki síður heppinn þar og fékk enn eitt uppáhaldið, dökkbrúna súkkulaðiköku :)
Hentist svo Doddinn upp á Skaga á meðan ég hitti Láru og Dagnýju. Borðuðum við úr "bölum" á Oliver, þrátt fyrir að fá bara litla skammta - enda var það greinilega bara andk.. nóg fyrir okkur... hehehe

Föstudagurinn rann svo upp á Akranesi og var sá dagur tiltölulega tíðindalítill nema við skelltum okkur í heimsókn til Lúlla og Guðrúnar um kvöldið. Gríðarleg tilhlökkun var í Dodda enda var að hann að mæta á svæðið með Tennent's bjór sem hefur sérstakt tilfinningagildi fyrir þá félaga! Kíkt var á framkvæmdir á Sunnubrautinni og verður gaman að sjá þegar allt verður klárt hjá Sigga :)
Annars var setið hjá Lúlla og Guðrúnu fram eftir nóttu og að sjálfsögðu fór maður ekki hungraður þaðan út frekar en fyrri daginn. Takk fyrir okkur!
Svo eins og í fyrri skipti styttum við hjónin okkur leið yfir túnið sem skilur að Smáraflötina og Bjarkargrundina og í þetta skipti var tekinn sprettur (síðast tók Doddi mig á hestbak - alltaf jafn virðuleg!).

Laugardagur gekk svo í garð og á meðan Doddi svaf yfir einhverjum svona líka spennandi fótboltaleik slóst ég við sudoku í Mogganum. Um kvöldið var svo fjölskyldumáltið á Bjarkargrundinni. Sáum við Doddi að við höfðum gert stóran feil með því að panta okkur far út aftur á aðfaranótt sunnudags þar sem við gátum varla skálað í rauðvíninu með matnum og hvað þá fengið smá Irish Coffee hjá Öddu!!! Gerum ekki þessi mistök aftur... (reyndar laumaði Doddi sér í smá eftir stuttar samningaviðræður við frúna um að hún myndi keyra á völlinn...).

Ferðin heim gekk vel eftir að við þurftum að skafa rúðurnar á bílnum um nóttina - jebb skítagaddur á klakanum! Hitti ég meira að segja tvo frændur mín á vellinum sem maður hefur ekki séð lengi, alltaf gaman af slíku.
Við lentum svo hér heima í West Powburn um tvö leitið og var þá skriðið upp í rúm og sofið...

Jæja, held reyndar að þetta sé orðið allt of langt hjá mér fyrir ekki áhugaverðari ferð en þetta :) En það eru nokkrar nýjar myndir frá heimsókninni til þeirra hjúa í Smáraflötinni :)

Kveðja,
UK

2007-05-13T14:10:00.000Z

Maður er rosalegur miðað við stjörnuspánna í dag:
"Ljón: Þú einblínir á að klára visst verkefni. Þú hefur úthald Súpermanns og andlega snerpu á við tölfræðing. Á miðnætti dansarðu sigurdansinn." (www.mbl.is)

Er ekki Súpermann alveg vonlaus orðið miðað við Spidermann, eða Spartverjana? Og eru nú tölfræðingar andans menn?

Kv.
Doddi

2007-05-12T13:05:00.000Z

Eitt skil ég ekki hérna í Bretlandi. Tesco selur kaffi-til-að-taka-með í verslunum sínum. Þetta er selt undir slagorðinu "Coffee Nation". Ef það er eitthvað þá myndi ég nú halda að Bretinn væri þekktari fyrir te-ið sitt, jafnvel "ale" og ef við tökum Skotann þá væri það nú viský ("aqua vitae") eða vatn lífsins.

Kannski er þetta vitleysa í mér.

Fer ekki annars að fara koma tími á golf?

Doddi

2007-05-11T07:41:00.000Z

Yfir fyrsta morgunkaffibollanum mínum tók ég, í mínu mesta sakleysi, rúnt á netinu. Fyrsti viðkomustaður í þessum hefðbundna rúnti er www.mbl.is líkt og hjá mörgum sjálfsagt. Að sjálfsögðu fór ekki fram hjá mér að þrátt fyrir að Íslendingar væru með besta lagið í Eurovision þetta árið og auðvitað með lang-besta "rokk"söngvarann í keppninni, þá var hin smáa þjóð okkar hreinlega kosin í kaf af austur-Evrópuþjóðum. En það er nú kannski óþarfi að vera að kalla þetta "mafíu-starfsemi" eða álíka illum nöfnum... við erum nú ekki svo á þörfinni fyrir að vinna þessa keppni að verða svona hörundsár að ná ekki áfram... er ekki málið að fá að vera með?

En það var nú önnur frétt sem að fékk mig til að skrópa aðeins meira í lærdómnum en Eurovision og hún var af stúlkum á Bretlandi sem stálu upplagi af einhverju dagblaði þar sem á forsíðunni var mynd af þeim. Eitthvað voru þær ósáttar við að útlit sitt og aukakíló og brugðu því á þetta ráð. Ég tek það fram að ég hef ekki séð þessa forsíðumynd, enda skiptir það ekki öllu máli, heldur myndin sem mbl ákvað að birta með þessari frétt. Þessi mynd fylgir þessari færslu og held ég að við getum nú öll verið sammála um hversu lýsandi hún er fyrir fréttina...

En eins og glöggir lesendur þessa bloggs muna er að í ágúst 2006 skrifaði ég færslu um þessa sömu mynd þar sem hún birtist á mbl.is og átti að lýsa Bretum með offituvandamál...

http://unnurogdoddi.blogspot.com/2006_08_01_archive.html (gamla færslan)

Anyway...what's wrong with this picture? Mér finnst manneskjan á þessari bara hreint ekki feit!

kv.

2007-05-06T18:46:00.000Z

Sko. Mínir menn í Man Utd urðu Englandsmeistarar í dag. Ánægður með það.

Svo er það bara að mínir menn í Liverpool taki Milan og baki þá þann 23. maí.

Kv.
Þórbergur

2007-05-06T11:39:00.000Z

Hér er nú heldur betur íslenskt veður í Edinborg. Grenjandi rigning og rok. Þetta er eitthvað sem maður hefur bara ekki séð núna í allavega mánuð, ef ekki tvo.

Annars er ekkert nýtt svo sem. Prófalestur hjá mér og síðasta ritgerðin hjá Unni að klárast.

Komum á klakann þann 15. maí og verðum í einhverja 4-5 daga.

Kv.
Doddi

2007-05-03T14:42:00.000Z

Dómur í Baugsmálinu hefur verið kveðinn upp. Bendi fólki á helstu fjölmiðla Íslands til að kynna sér dóminn sem og viðbrögð stefnanda, sækjanda, verjanda, varnaraðila, lögmanna, ákærðu, vitna og ég veit ekki hvað og hvað!

Þetta voru þá öll tíðindin.

Þakkir
Þórbergur

2007-05-03T11:44:00.000Z

Stórtíðinda að vænta!

2007-05-01T11:20:00.000Z

Nýjar myndir, nýjar myndir!

Loksins komnar myndir frá því mamma og pabbi komu í heimsókn í febrúar. Voru bara að koma úr framköllun.

Kveðja,
Doddi

Ps. Eru ekki allir með á hreinu hvað er að gerast á Carnoustie 18-22. júlí n.k.?

2007-04-28T13:06:00.000Z

Jæja! Hugurinn er ennþá gríðarlegur.

Erum á leiðinni á Carnoustie í júlí, nánar tiltekið 22. júlí í sumar. Yndislegt!
Unnur er gjörsamlega að farast úr spenningi út af þessari ferð. Gaman af því.

Lindu buffið sem mamma og pabbi sendu okkur er að gera gríðarlega góða hluti. Hélt reyndar að Ölgerð Egils Skallagrímssonar væri að lenda hérna þegar pakkinn kom. Þetta slagaði upp í Appelsín-slökkviliðsbílinn úr auglýsingunni, slíkt var magnið af Malti of Appelsín.

Annars bara sól og blíða.

Kveðja,
Doddi

2007-04-25T14:27:00.000Z

Nú færi ég frábærar fréttir ...

... haldið ykkur fast!

Ég er í prófalestri. Jibbý!

Sendi inn almenna starfsumsókn um daginn. Fékk svar. Held að fólk noti upphrópunarmerkið full duglega. Allavega sá viðkomandi sér ekki annað fært en að svara:
"Þakka þér fyrir umsóknina!".

Annars er bara hugur í manni.

Cheerio
Toby

2007-04-18T09:27:00.000Z

Garðar Thór Cortes

Í fyrradag, 16. apríl kom út hér á Bretlandi diskur með Garðari Thór Cortes. Maðurinn minn er nú aðeins farin að þekkja kelluna sína og fjárfesti í disknum mér til innilegrar hamingju. Þessi diskur er meiriháttar og mæli ég 100% með honum. Doddi segir nú reyndar að ég sé ekki alveg hlutlæg í þessum meðmælum mínum enda var ég svo skotinn í honum Nonna þegar ég var stelpa eins og sjálfsagt festar stelpur sem horfðu á þættina.
Aftur á móti var ég í minnihluta með að finnast Júlli smalinn voða sætur líka. Í dag vil ég samt sem minnst um það tala enda stór munur á Garðari Thór Cortes og Bárði í Stundinni okkar!
Ég held að Nonni litli - þótt hann hafi breyst í Garðar Thór á síðari árum haldi nú áfram að heilla tæplega þrítugar "stelpur".....

En kaupið diskinn - þið verðið ekki fyrir vonbrigðum!!

Kv.
Unnur Kristín

2007-04-17T10:02:00.000Z

Cambridge-menn hafa nú rannsakað hamingju þjóða innan Evrópusambandsins. Fyrstu fjögur sætin skipuðu:
1. Danir
2. Finnar
3. Írar
4. Svíar

Maður spyr sig hvað veldur því að þessar þjóðir eru hamingjusamari en aðrar þjóðir sambandsins.

Nú þegar líður tekur að kosningum og barátta flokkanna harðnar þá fannst mér tilvalið að segja frá því að það fyrsta sem ég sá var að hvorki Danir, Írar né Svíar hafa evru sem gjaldmiðil en það virðist vera ein helsta ástæða fyrir að ákveðnir flokkar í íslenskum stjórnmálum vilja ganga til aðildarviðræðna við Evrópusambandið og sem meira er að ákveðnir ráðherrar vildu helst BARA fá evruna en ekki aðild að sambandinu sjálfu (hvernig sem fara á að því!).

Ég segi a.m.k. "nei takk" við öllu slíku - enda vilja Íslendingar nú ekki falla úr efstu sætum hamingjusömustu þjóða heims! Voru ekki annars Norðmenn líka ofarlega þar??

Kv.
Unnur Kristín

2007-04-06T09:08:00.000Z

Heyrði af Japana sem mætti á miðvikudaginn á Augusta völlinn US með miða sem stóð á "Practice Round" og spurði hvenær hann mætti spila - daginn fyrir Masters!! Kallanginn misskildi eitthvað miðann sem hann keypti.

Doddi

2007-04-01T13:59:00.000Z

"Það er komið sumar og sól í heiði skín..."

Hvaða ilmur er betri en af nýslegnu grasi? Ég held enginn, enda tekur sveitastelpugengið öll völd þegar ég finn þessa lykt.

Já, kæru vinir það var verið að slá grasið á flötinni hér við blokkina hjá okkur þegar við komum labbandi heim einn daginn. En eins og það er gaman og gott að vita af sumrinu handan við hornið þá hefur það skelfileg áhrif á framleiðni námsmannsins :S Það er ferlega niðurdrepandi að hugsa um þriðja sumarið í röð þar sem maður þarf að sitja inni yfir skólabókunum og þó maður eigi aldrei að segja aldrei þá ætla ég ALDREI aftur að vera í skóla um sumar þegar þessu er lokið!

Kveðja,
UK

2007-03-22T23:17:00.000Z

Blessaður Bretinn getur nú oft verið skemmtilegur.

Getur einhver sagt mér hvað er verið að meina með eftirfarandi afbökun á þekktu orðatiltæki:
"... the brown stuff hit the air-movement device."(1)

(1) Blair, Alistair. (2004). Lifting the Lid on Splits Scam. Investor Chronicle, 9 October 2004, p. 74.

Doddi

2007-03-21T14:14:00.000Z

Story of broken hearts...

Eitt af því sem kennt var við lagadeild Háskólans á Bifröst var að skapa ríg á milli deilda. Jaðraði þetta við ástr[á]íð[i]u hjá einum kennaranum.
Gott dæmi um hvernig hin háttvirta lagadeild gerði ótakmarkað grín að vesalings viðskiptafræðingunum var að í kennslu þeirra í “lögfræðigreininni viðskiptalögfræði", sem var kennd sem einn kúrs, var ekki einu sinni minnst á góðkunningja eins og Guðrúnu frá Lundi og hvað þá að þeir hafi heyrt um Erlu Maríu Sveinbjörnsdóttur!!!
Var þetta auðvitað allt gert til að reyna að upphefja blessaða lögfræðingana yfir viðskiptafræðingana. Taldi ég þetta allt gert í góðu gamni og að enginn kæmi nú illa út úr þessu. Hafði ég sér í lagi litlar áhyggjur af manni mínum, viðskiptafræðingnum sjálfum.

Þegar við hjónin skoðuðum svo Edinborgarháskóla kom í ljós að lögfræðingunum var plantað í elstu og merkustu byggingu stofnunarinnar en viðskiptafræðingarnir eru til húsa í nýrri og flottri byggingu þar rétt hjá. Stendur lagaskólinn öllum opnum og þurfum við ekki að veifa stúdentaskírteinunum okkar og muna háleynilega kóða til að komast inn í kennslustofurnar hjá okkur. Hins vegar er það í skólanum hjá Dodda. Hef ég náð að smygla mér þar innfyrir þröskuldinn tvisvar. Verð ég að segja að mér leið eins og illa gerðum hlut og var algjörlega röng manneskja á röngum stað á röngum tímum. Þetta hafði þá einhvern veginn skolast til frá því sem mér var kennt á Bifröst, þ.e. að viðskiptafræðingarnir máttu þakka sínum sæla fyrir að deila húsnæði með okkur lögfræðingunum.

En viti menn......

Í gær kom í ljós að ekkert hefur breyst í þessum málum!!!!

Taka átti hópmynd af bekknum hans Dodda í gær. Allt gott um það að segja svo sem.... en reynið nú að geta hvert vesalings viðskiptafræðingarnir laumuðust til að taka myndina!!!!

Júbb, hvergi annars staðar en fyrir utan byggingu LAGASKÓLANS.

Jebb, svona er nú minnimáttarkenndinni farið hjá blessuðu fólkinu. Hleypa ekki nokkrum lifandi lögfræðingi inn í sína nýtískulegu byggingu og gefa þannig klárlega þau skilaboð að við höfum þar ekkert að gera en svo um leið og kennslu lýkur hjá laganemum laumast þeir eins og þjófar að nóttu og láta taka mynd af sér í gömlu og flottu byggingu lagaskólans... og ég sem hélt í einfeldni minni að þessi saklausi rígur myndi ekki særa lítil hjörtu viðskiptafræðinganna!
Ég þarf því að vera sérstaklega ljúf við eiginmanninn þessa dagana :)

Kv.
UK

2007-03-16T15:14:00.000Z

Heil og sæl...

Jæja það er kominn tími á smá blogg frá mér.

Árin orðin 27 líkt og SANNIR vinir vita :) hehe.....

Síðasti kennsludagur hjá mér var í gær og hvað er meira viðeigandi þegar þú ert að læra hvort tveggja evrópskan samkeppnisrétt og lög hins innri markaðar en að hafa bjórsmökkun í síðasta tímanum!! Enda hefur verið hægt að rífast yfir því hvort bjór sé það sama og bjór og um opna eða lokaða bjórmarkaði nánast frá upphafi!
Sem sagt eftir streðið í tímum í vetur stakk einn prófessorinn upp á því að það yrði bjórsmökkun og keppni um hvort við gætum sagt hvaðan bjórinn sem við smökkuðum væri. Get ég nú ekki sagt að ég hafi staðið mig neitt sérstaklega á þessu prófi en skoraði nú samt 50% - ekki slæmt þar sem ég hef nákvæmlega ekkert vit á bjór. En verð ég að segja að dökkur skoskur bjór er sennilega besti bjórinn :) Jebb, nú er mín komin í þann dökka, hehe ekkert "yellow water/piss" eins og hreinræktaðir skotar kalla lagerinn.
(setti myndir af þessu hér til hægri)

Annars tekur nú við algjör einangrun fram til 23. apríl þegar skiladagur er fyrir seinni ritgerðirnar hjá mér. Mér líst nú ekkert á það (enda fer þetta að verða komið gott af skóla í bili) og eins og sönnum nemanda sæmir þá reynir hann að gera allt annað en að byrja :)
Það þýðir þó víst ekki til lengdar og verð ég að fara að klóra mér í hausnum yfir samborgararéttinum og hvaða áhrif hann hefur haft á constitutionalisation EU (held að það sé ekkert orð til á íslesku yfir þetta) og hvort þetta hafi nú allt saman einhver áhrif á lögmæti EU sem legal order......bla bla bla.... og hellingur í viðbót um devaluing the Internal Market itself..... Ef einhver sér eitthvað ljós í þessu þá er allt þegið :) Ritgerðar"spurningin" fyrir þessa einu ritgerð er tæpar 7 línur!

Jæja, tjóir ekki!

Kveðja,
Unnur Kristín

2007-03-05T11:27:00.000Z

Þá er Eggert Magnússon búinn að lýsa yfir stuðningi við Alan Curbishley um að hann sé rétti maðurinn til að leiða West Ham inn í framtíðina.

Bara spurning hversu langt líður þar til Cubbs greyið verður rekinn???? Vill einhver giska?

2007-03-03T19:07:00.000Z

Topp sigur í dag hjá Man Utd. Þetta var aldrei spurning. Gaman að segja frá því.

Þeim fækkar vikunum er við kennslu verða kenndar.

Hlaup hefjast aftur á morgun eftir viku hlé. Vildi nú ekki alveg detta í ofþjálfun strax í fyrstu eða annarri viku.

Mamma og pabbi komu í velheppnaða heimsókn. Vona að þau mótmæli þessari fullyrðingu minni ekki mikið.

Konungsbók Arnaldar Indriðasonar virkar á okkur eins og hálfgerð stæling á Íslandsklukkunni. Kannski vegna þess að við erum nýbúin að lesa þá síðarnefndu.

Doddi

2007-02-21T16:05:00.000Z

Eitt enn. Ég er að vinna verkefni með Indverja og aldrei á ævinni hef ég verið kallaður "dude" jafnoft. Mér er svo sem alveg sama um það en ég hef einhvern veginn aldrei litið á mig sem sérstakan "dude".

Kannski er það misskilningur hjá mér.

2007-02-21T15:20:00.000Z

Jæja, þriðja hlaupaæfingin búin. Tíminn er þó langt frá því viðunandi og vegalengdin eftir því. En þetta á allt eftir að koma.

Smakkaði Sushi í fyrsta skipti í dag (sumir vilja kannski segja að ég sé eftir á eða ruglaður). Það var prýðilegt.

Fékk svona nokkurn veginn grænt ljós á hugmynd að lokaritgerð. Þar mun ég reyna að sletta saman "optimal capital structure" (ákjósanlegasta fjármagnsskipan) fyrirtækja og tilkomu "credit derivatives" (skuldatrygginga sem mikið hafa verið í umræðunni í tengslum við íslensku bankana). Er með spennandi einblöðung um þessa hugmynd ef einhver hefur áhuga.

Mamma og pabbi væntanleg á föstudaginn. Verð að fara upphugsa eitthvað fyrir þau að gera - verst ég þekki þessa borg ekkert. Labba bara minn rollustíg fram og til baka í skólann. Einhverjar hugmyndir?

Annars er það bjór og leikur (Barcelona - Liverpool) í kvöld. Allir velkomnir - verð á Bierex! Tek það fram að ég er hlutlaus í þessum leik og kem ekki til með að styðja golfarana í Liverpool. Nota þetta sem yfirskin fyrir bjórdrykkju og til að forðast "dóminn".

2007-02-19T16:41:00.000Z

Nú er maður búinn að koma sér í klemmu. Samþykkti að taka þátt í einhvers konar "boðhlaupi" í Edinborgar-maraþoninu. Allt í þágu góðra málefna reyndar. Ekki þykir mér þó seinna vænna en að hefja æfingar strax og er þegar tveimur lokið. Greinilega mikið verk framundan.

Er núna að berjast við að reikna WACC-inn (e. weighted-average cost of capital) fyrir Royal Dutch Shell og það gengur hægt. Síðan er það verkefnið að reikna "deterministic" virði tveggja olíusvæða miðað við olíuverðið $45 og $90 á tunnu og verðin eiga að fylgja "mean-reversion". Ekki nóg með það heldur er verkefnið líka að gera ráð fyrir "stochastic market uncertainty" og reikna nýtt virði fyrir þessi tvö svæði miðað við þær forsendur.

Ekki láta blekkjast samt í vælinu í mér, þetta er skítlétt!

Ein svona létt pub-quiz spurning fyrir áhugasama:
"Hver er munurinn á WACC fyrir framleiðsluolíusvæði (e. producing field) annars vegar og könnunarolíusvæði (e. exploration field) hins vegar?"

Annars langt síðan maður var í þessum sporum (hvað er með hárið og fatnaðinn???):

2007-02-15T12:25:00.000Z

Heldur hefur verið dauft yfir skrifum. Enginn kommentað á það þannig að líklegast hefur enginn saknað okkar.

Nú eru sex of hálfur mánuður eftir af skólavist okkar hérna. Vúff.

Tveir ungir piltar kræktu sér í nýjar vinnur um daginn. Lukkulegar hamingjuóskir með það. Trukkur varð 27 ára, já þetta gat hann strákurinn. Innilega til ... og svo framvegis. Ekkert partý? Spurning hvað danska undrið geri þann 24.?

Vorverkin eru annars hafin hérna í borginni. Hér er allavega farið að klippa runna.

Skömm af því að vera ekki búinn að spila golf síðan maður kom hérna - ekki stoppar veðrið.

Þorrinn hefur ekki verið haldinn hátíðlegur hérna. Eini þorramaturinn sem við eigum er Brennivínsflaska. Með hana að vopni yrði maður líklegast verri en "ökuþórinn" í Kastljósinu. Gott mál og allt það en kallanginn: "...boring".

Doddi

2007-01-31T11:41:00.000Z

Jæja ég held að það sé tími á að ég skelli nokkrum línum hér inn. Doddi er búinn að halda þessu uppi síðustu vikur. En núna þegar hægt er að setja myndir hér inn þá vaknar áhuginn aftur :) Ég var loksins að skella inn (ritskoðuðum) brúðkaupsmyndum. Þetta er kannski svolítið seint en það er bara skemmtilegra að skoða "gamlar" myndir :)
Einnig setti ég inn myndir frá Skotlandi síðan í júní þegar við skelltum okkur í svona hálanda-tour.

En svona frá hinu daglega amstri þá er nú allt við það sama. Í dag, kl. 14:00, á ég von á minni fyrstu "umsögn" fyrir eina af þeim þrem ritgerðum sem ég skilaði 12. janúar. Held að ég segi ekki frekar um það hér á þessari síðu en þið getið alveg trúað mér þegar ég segi að það er töluverður spenningur/kvíði/magaverkur/sviti/tár og allt sem getur framkallast þegar stressköst gera vart við sig í gangi hjá mér þessa stundina. Þessi umsögn er fyrir kúrsinn "Law of the Internal Market" og var mest krefjandi ritgerðarefnið. Hin fögin eru svon "International Economic Law" og "EC Competition Law". Ég ætla ekki að þreyta ykkur með að segja hver ritgerðarefnin voru en það tók mig um 4 vikur að skilja þau!!! Og ég á að vera að læra þetta!!!
Annars átti ég ekki von á að fá þetta fyrr en í byrjun mars og sennilega fæ ég ekki úr hinum fögunum fyrr en þá. Þessar ritgerðir gilda svo 40% af lokaeinkunn en ég fæ ný ritgerðarefni á næstu dögum. Þeim ritgerðum skila ég svo 23. apríl og fæ ég að vita í lok maí eða byrjun júní hvaða einkunnir ég fæ úr þessu öllu saman og hvort ég fái að skrifa lokaritgerðina. Yndislegt!

Annars förum við að eiga vona á gestum. Tengdó lenda á svæðinu 23. feb og verða hjá okkur í nokkra daga svo ætlar Halldóra vinkona og Einar að kíkja á okkur fyrstu helgina í mars. Bara gaman :)

Jæja, ekki meira að sinni...

Kveðja,
UK

2007-01-27T14:39:00.000Z

Í gær var skellt sér á sinfóníutónleika hér í Usher's Hall. Lék þar Royal National Scottish Orchestra tvö verk. Annars vegar var það Siegfried Idyll eftir Wagner. Hins vegar var það Sinfónía nr. 3 (1889 útsetning) eftir Bruckner. Er sú fyrri afmælisgjöf Wagner's til konu sinnar og sú seinni er tileinkuð Wagner.

Þetta voru fínir tónleikar - skemmtileg tilbreyting frá daglegu amstri. Eftir tónleikana settumst við niður á Cafe/Pub í kvikmyndahúsi þarna stutt frá með enskum, belgískri, portúgölskum og þýðverskum. Einum bjór var slakað niður. Eftir það - haldið heim á leið.

Nú er það Sainsbury's til að sækja eitt stykki naut.

Auf wiedersehen.
Doddi

2007-01-24T16:58:00.000Z

Nýjung Nýjung!!

Hér örlítið neðar og til hægri eru komin nokkur myndaalbúm.

Njótið vel.

Áfram Túnis!

2007-01-23T21:21:00.000Z

Hvað getur maður sagt?

Ekki sá maður "strákana okkar" græta Frakkana og minnumst ekki á Man Utd.

Maður verður þá bara að sökkva sér í Corporate Finance; Miller og Modigliani, dividend policy and capital structure.

Læt eina mynd fljóta með sem ég tók af Blackford Hill í morgun. Horft er austur yfir Edinborg og þarna "gnæfir" Arthur's Seat.

Annars er maður byrjaður aftur að láta sjá sig í ræktinni. Hef ekki verið svona léttur í mörg mörg ár og þaðan af síður í jafn döpru formi. Maður er hálf formlaus bara.

Aye, eins og Skotinn segir.
Doddi

2007-01-10T20:50:00.000Z

Ég hef látið af stuðning við hið fornfræga Bítlalið, Liverpool, í ensku krasspyrnunni. Og Chelsea líka, fyrst Eiður er farinn.

Héðan í frá kem ég að öllum líkindum til með að halda með Man Utd.

Ætla svo sem ekki að tíunda ástæður þess að yfirgefa sökkvandi skip, en Arsenal hefur lítið með það að gera. Spánverjarnir hjá Liverpool voru bara ekki að gera neina hluti, hvorki þjálfari né leikmenn.

Gummi bróðir verður væntanlega svekktur að geta ekki sent mér mikið fleiri tölvupósta þar sem hann þakkar fyrir sigurleik Arsenal. Reyndar er fyrirsjáanlegur slagur þann 20. janúar. Ætli Ferguson "and his artists" sendi ekki "The Gunners" grenjandi inn í búningsklefann, hvort sem um er að ræða hálfleik eða leikslok. Það verður gaman að sjá hvort Gummi svari mér þá!

Fór hins vegar í tíma í Corporate Finance í dag. Kennarinn var frekar brútal og stundum var maður að velta fyrir sér hvort nemendur þyrftu að enda öll svörin sín með því að öskra: "Yes, Captain Drillmaster!" eða hvað sem menn láta nú heyra í sér í hernum. Þarf að leigja mér einhverja hermanna mynd til að undirbúa mig fyrir næsta tíma.

Edinburra, 8 January 2007
Thorbergur

2007-01-08T22:51:00.000Z

Ekki skil ég fréttina sem birtist á Akranes-vefnum þar sem fjallað er um undirskrift samnings Akraneskaupstaðar og Landsbankans. Þar kemur fram neðst að hagnaður af samningnum sé 2 milljónir.

Er þetta hagnaður Akraneskaupstaðar? Fá þeir þá greiddar 2 milljónir króna bara fyrir að vera með bankaviðskipti við Landsbankann? Á það ekki að vera á hinn veginn, að Akraneskaupstaður greiði fyrir þjónustuna sem Landsbankinn er að veita?

Kannski að Landsbankinn sé farinn að ganga aðeins of langt í upplýsingaskyldunni vegna skráningar í OMX The Nordic Exchange og ætli héðan í frá að birta áætlaðan hagnað að hverjum einasta samning sem þeir gera, hvursu lítilvægur sem hann er. Og ætla ég með þessu ekki að kasta rýrð á umsvif og mikilvægi Akraneskaupstaðar fyrir Landsbankann.

Nóg um það. Skólinn byrjaður aftur í dag. Frískandi afleiðutími "in the afternoon". Morgun eru það Samrunar og yfirtökur, endurskipulagning fyrirtækja og stjórnunarhættir fyrirtækja. Án efa eitt lengsta nafn á áfanga sem hægt er að sækja. Kennarinn getur verið sauður og menn eru að spá því að hann verði ennþá í fyrsta fyrirlestri í sjöttu viku.

Ég hleypti Unni annars út úr húsi í dag og leyfði henni að fara á bókasafnið. Gaf henni kaffi í leiðinni. Svo suðaði hún út úr mér Domino's pizzu í kvöldmatinn.

Annars er Íslandsklukka Laxness á náttborðinu. Magnað verk, hreint út sagt. Í hjáverkjum er ég líka að lesa "Barbarians at the Gate" eftir Burrough og Helyar. Skemmtileg lýsing á fyrirtækjamenningu í Ameríku 1970-1990. Hvet alla áhugamenn til að lesa þetta.

Læt að lokum fljóta með mynd af stofunni okkar. Verð að fara koma upp myndasíðu hérna.

Edinburra, 8 January 2007
Toby

2007-01-03T22:58:00.000Z

Bjart framundan. Las í Financial Times í dag að Merkel stefnir að frekari samþættingu Evrópu og Bandaríkjanna. Á að taka helst á fjármálamarkaði þessara stórvelda og hugverkaréttar. Gott og vel.

Merkel, kanslari Þýskalands sem hefur nýtekið við forsæti Evrópusambandsins og mun verða formaður G8 þjóðanna, stefnir einnig að meiri samvinnu við Rússa en varar þá við strax að þetta þurfi að vera tvíhliða. Betra að herða menn aðeins áður en sest er að samningaborði.

Níu stærstu fasteignafélög á Bretlandi hafa nýtt sér nýtilkomna lagaheimild til að hefja nýtt líf sem REIT's (Real Estate Investment Trusts). Þetta veitir þeim ákveðin skattfríðindi að tilteknum skilyrðum uppfylltum. Eins og allir vita þá hafa fasteignir haft jákvæði áhrif á áhættudreifingu eignasafna en áhugavert er einnig að ávöxtun REIT's hefur sögulega verið óstöðugri (e. more volatile) heldur en hefðbundinna fjárfestinga í fasteignum eða söfnum fasteigna. Má þarna benda á verk Swenson, Pioneering Portfolio Management. Þetta má skýra að einhverju leyti með tíðni verðlagningar á þessum eignum.

Vona að ég hafi drepið alla úr leiðindum en það virðist vera sem að bloggið sé mikið notað undir pólítískar hugleiðingar. Þar sem ég hef lítinn áhuga per se á pólítík þá væri gaman að vita hvernig fjölmargir lesendur þessarar síðu taki í reglulega pistla um viðskipti og fjármál.

Það er annað hvort það eða Evrópulögfræðin frá henni Unni!

En ef við víkjum frá alvöru lífsins þá hafa þessir dagar verið heldur tilbreytingarlausir, þá sérstaklega fyrir Unni. Hafði mig nú reyndar niður í bæ í dag og heimtaði endurgreiðslu fyrir miðana á áramótagleðina sem var frestað. Náði því að mestu í gegn.

Nú kemur hins vegar skotinn upp í mér! Hluti af miðaverðinu voru 2 pund og 50 pens sem áttu að vera einhvers konar umsýslugjald. Það fékk ég ekki endurgreitt. Skil það nú illa þegar ég fer að hugsa þetta. Miðarnir voru keyptir á netinu, ég þurfti að gera mér ferð þarna niður eftir til að ná í miðana og aðra ferð til að heimta endurgreiðslunnar. Eina sem þessir djöflar gerðu var að prenta út blessuðu miðana og miðað við verðið á þeim átti það alveg að hafa fyrir prentkostnaðinum.

Þessir blessuðu sauðir hefðu hið minnsta getað endurgreitt mér þetta án þess að ég bæði um það, allt fór þetta í gegnum Visa kortið mitt!!

Vek nú athygli á www.thorbergur.is. Gaman af þessu og endilega ef einhver veit um bækur eftir karlinn til sölu þá má endilega hafa vekja athygli mína á því. Einu bækurnar sem virðast vera til í hefðbundnum bókabúðum eru "Ofvitinn" og "Þegar ég varð óléttur".

doddi

2006-12-31T21:09:00.000Z

Jáhá, þetta verða sennilega dapurlegustu áramót sem við höfum upplifað. Ég er í ritgerðarskrifum eftir að öllum hátíðarhöldum hér í Edinborg var cancelað vegna veðurs. Við sitjum því hér í skítakulda, ég búin að sníta af mér allt sem heitir nef og fengum Cheerios í kvöldmatinn.

Gleðilegt ár!

2006-12-30T00:39:00.000Z

Nú eru allar fréttastöðvar að flytja fréttir um að Saddam Hussein verði tekinn af lífi í nótt.
Hversu bættari erum við eftir það? Ég bara spyr. Það er hins vegar ekki grundvallarspurningin. Hvað með réttinn til lífs, mikilvægast allra mannréttinda?

Jú, hann var án efa fundinn sekur um skelfilega glæpi, fjöldamorð, það verður varla verra! Ég er ekki að tala um að ekki eigi að refsa sekum manni en hvaða rétt hafa aðrir til að taka af honum hans rétt til lífs?
Er hann búinn að fyrirgera þeim rétti sínum? Hverra er að dæma um það?

Geta aðrir ákveðið að taka sekan mann af lífi á þeim grundvelli að hinn seki tók aðra af lífi? Finnst öllum það í lagi að það sé undantekning á þessum rétti og að dauðarefsingar séu leyfilegar og jafnvel eðlilegar?

Lifum við ennþá í "auga fyrir auga" og "tönn fyrir tönn"? Erum við ekki komin lengra en það að hefna með sama hætti og í þessu tilfelli að taka líf, sem talin er versta syndin!!!

Hvað finnst fólki um þetta?????

Kv.
UK

2006-12-29T19:41:00.000Z

Back in Edinburgh...

Já þá er Íslandsför okkar hjóna lokið en við lentum hér í Edinborg aftur í gær. Ekki er hægt að segja að Ísland hafi tekið vel á móti okkur enda hávaða rok og rigning nánast alla dvöl okkar. Minnstu munaði að við þyrftum að lenda á Egilsstöðum en við sluppum við það eftir að hafa hringsólað yfir Keflavíkurflugvelli í um 30 mín. Hins vegar voru farþegar British Airways sem áttu að lenda á undan okkur ekki jafn heppnir!! Held svei mér þá að betra hefði verið að fara bara aftur til Glasgow sem er vara-vara flugvöllurinn.
En við náðum að lenda og tóku Lísa og Aldís Emma á móti okkur í Leifsstöð. Fukum við svo út í bíl og var brunað til Rvk í kökur hjá Lísu. Tengdó (Akranesi) sóttu okkur svo í bæinn og var dvalið á skaganum fram á Þorláksmessu þegar haldið var á Snorrastaðina. Á annan í jólum var svo aftur haldið á skagann þar sem dvalið var það sem eftir var ferðar.
Auðvitað hittum við alla fjölskyldumeðlimi, amk þá sem á landinu voru staddir, auk góðra vina, aftur amk þá sem á landinu voru staddir :) Það var mikið gott og gaman að sjá öll þessi vinalegu andlit og ekki laust við að erfitt væri að kveðja þau enda líklegt að við sjáum þau ekki öll í bráð. Næsta ferð á klakann er ekki komin á kortið en verður sennilega næsta haust... spurning hversu löng hún verður :)

Ekki er hægt að segja annað en að dekrað hafi verið við okkur þessa fáu daga okkar á Íslandinu góða og vorum við að öllum líkindum nokkrum pundum þyngri á heimleiðinni!

En þrátt fyrir góða ferð þá er líka alltaf gott að koma heim. Edinborg tók vel á móti okkur með góðu veðri sem var kærkomið eftir myrkrið, rokið og rigninguna á Íslandi. Það fyrsta sem hins vegar var gert við heimkomuna var að kveikja á rafmagnsdýnunni minni og leggjast undir sæng og sofa úr sér flugþreytuna. Ekki var þó sofið lengur en hin daglegu skylduverk leyfðu og var vaknað aftur kl. 17:30 þegar Grannar byrjuðu!!

Í morgun átti svo að skella sér snemma á fætur og læra en eitthvað var flugþreytan ennþá að stríða okkur og drösluðumst við fram úr um 11 minnir mig...

En jæja, ætlaði bara rétt að stimpla okkur aftur inn hérna í Edinborginni.

Kv.
Unnur Kristín

2006-12-19T21:13:00.000Z

Við rákumst á þess frétt á vísi í dag og gátum ekki annað en sett hana hér inn. Sjaldan sem maður sér svona frjálslega tekið til orða á örðum stöðum en á Baggalút.

Vel launað framhjáhald
Tæplega þrítugur lagermaður í vöruhúsi fékk sér dæmdar 400 milljónir króna bætur í Lundúnum í dag, fyrir að halda tvisvar framhjá konunni sinni og elta vændiskonur út um alla móa.

Dómarinn taldi fullsannað að Stephen Tame hefði verið kristilega þenkjandi og trúr eiginmaður, áður en hann fékk mikið höfuðhögg, þegar hann datt úr krana í vöruhúsinu. Hann var í dái í tvo mánuði og læknar sögðu að það væri kraftaverk að hann skyldi lifa þetta af.

En þegar Stephen vaknaði var hann orðinn allt annar maður, hjólgraður dólgur sem hugsaði ekki um neitt nema kynlíf og klám. Eiginkona hans yfirgaf hann vegna framhjáhaldsins og dómaranum þótti hæfilegt að hann fengi fjögurhundruð milljóna króna bætur fyrir slysið.

Annars var dagurinn bara góður. Pricess Street var arkað fram og til baka og jólagjafirnar kláraðar.... fyrir utan Dodda!! Þannig að mesti höfuðverkurinn er eftir.

Kv.
Unnur Kristín

2006-12-16T20:59:00.000Z

Þá eru prófin búin. Það verður eitthvað sjá djöfulsins útkomuna úr þeim.

Jólatré var keypt í dag - líklegast í það stærsta miðað við stofuna en stórglæsilegt tré engu að síður. Mynd verður væntanlega birt þegar skreytingu verður lokið ('áætluð' verklok september 2007).

Rakst hins vegar á mynd í tölvunni hjá mér af drengjunum (reyndar var Sindri vant við látinn). Læt hana fljóta með þó menn séu eitthvað orðnir dökkir þarna.

Greyin í Svíþjóð hins vegar - bæjarnöfnin of dónaleg hjá þeim, svo sem Fjuckby, Anusviken, Arslet og Dicken!

Edinborg, 16. desember 2006
Þórbergur Guðjónsson

2006-12-15T10:23:00.000Z

Another day in paradise.... sem sagt prófalestur og ritgerðarskrif...

Jæja þetta er nú síðasti dagurinn hans Dodda í þessu standi en hann fer í síðasta prófið sitt á eftir. Svo ætlar hann auðvitað að tapa sér í próflokadjammi eins og hans er von og vísa!! Nei, annars held ég að það verði ekki mikil orka afgangs eftir svona törn.

Hins vegar er ég með fréttir! Ójá, við festum kaup á nýrri myndavél nú í vikunni. Er voðalega erfitt að stoppa sig í að fara út og prófa gripinn en hins vegar hefur maður aðeins kíkt á gamlar myndir í tölvunni og leika sér með þær í þeim Kodak EasyShare software sem fylgdi með. (svei mér þá ef það er ekki hægt að lagfæra "drykkjumyndiranr" úr brúðkaupinu!!)

Linkur á kvikindið: http://www.kodak.com/eknec/PageQuerier.jhtml?pq-locale=en_US&pq-path=8824

Annars er komið jólaskap í mannskapinn í 7/8 West Powburn. Við skelltum okkur um þarsíðustu helgi að versla jóladiska og seríur... allt gott með það nema mann sakar íslensku "klassísku" jólalaganna!! Laddi, Bjöggi, Svala, Helga Möller og félagar að ógleymdum "Jólahjóli" og "Ef ég nenni". Við höfum því gripið til þess ráðst að hlusta á jólalög Baggalúts. Ekki að það komi manni í hið eina sanna jólaskap/hátíðarskap en óneitanlega eru þessi lög til að gleðja manns litla hjarta :)

Annars er ég að hugsa um að taka mér frí seinnipartinn í dag, hitta Jönu (Jana - frá Sloveníu) bekkjarsystur mína og fara að versla til að losa okkur við stressið (og stressa Dodda -hehe). Svo er búið að bjóða í partý hjá David (frá USA), bekkjarbróður mínum. En það verður sennilega stutt stopp og að sjálfsögðu ekki dropi af áfengum drykkjum...

En aftur að bókunum..... djöbbbbullll.....

Já og Jóhann takk aftur fyrir myndirnar :D

Kv.
Unnur Kristín

P.S.
6 dagar í Ísland og 9 dagar í svííínnn

2006-12-11T11:18:00.000Z

JÓLASNJÓR Í EDINBORG!!!

...eins nálægt því og hægt er...
Við hjónin sátum hér við lærdóm í borðstofunni og var allt í einu litið út um gluggann því það er brjáluð rigning og rok. Okkur fannst þessi rigning heldur "þykk" og kíktum því betur á þetta. Haldiði að við höfum bara ekki sé votta fyrir slyddu!!! ójá, örlítil slydda kítlaði heldur betur jólafígúruna í okkur :) Enda eru bara 13 dagar til jóla og 10 dagar í Íslandsför okkar !!
Mikið svakalega verður notalegt að koma heim til múttu og tengdó og fá smákökur - við höfum ekki fengið neina orginal smáköku þessa aðventu, bara föst í McVitie's.

Jæja, aftur að bókunum...

Kveðja,
UK

2006-12-10T23:03:00.000Z

Hversu erfitt getur verið að skrifa 12 bls ritgerð? Trúið mér að það er mjöööög erfitt!!!!

UK

2006-12-06T19:42:00.000Z

Þá er fyrsta jólagjöfin komin í hús. Hún Dóra er að slá í gegn hérna með því að senda okkur malt og appelsín, prins póló og síðan íslenskt nammi.

Bestu þakkir Dóra enn og aftur.

Doddi og Unnur

2006-12-05T16:08:00.000Z

Já nú er Doddinn minn í fyrsta lokaprófinu sínu. Verð nú alveg að segja að ég öfunda hann nú ekkert sérstaklega af því. En sennilega er það eini kosturinn við próf að þau taka fljótt af...

En hugsum nú bara fallega til kappans...

2006-12-03T16:45:00.000Z

NÚ VANTAR MALT OG APPELSÍN!!!

2006-12-02T21:15:00.000Z

"Regression toward mediocrity in hereditary stature."

Þetta er smá tilvitnun í "klassísk" rit sem ég er að lesa mér til um þessa dagana. Endilega ef lesendur síðunnar hafa eitthvað um þetta rit að segja, þá er það vel þegið. Helst fyrir þriðjudaginn. Tilgangslaust eftir prófið á miðvikudaginn.

Annars vonar maður að fólk sé farið að undirbúa komu okkar til Íslands. Heyrði að Leifsstöð væri búin að hækka viðbúnaðarstigið sitt.

Já, og ef einhver er að velta því fyrir sér, þá er er betra að kaupa After Eight-ið í grænu pökkunum, ekki þessum bláu. Passar bara einhvern veginn ekki að hafa mjólkursúkkulaði utan um myntuna.

Veðrið er hins vegar magnað hérna. Kíkið bara á myndina.

Og drengir, myndin er í boði Tennent's.

Kv.
Doddi

2006-12-01T22:50:00.000Z

djöfull er gaman...

Já nú er stuð á heimilinu! Doddi í prófalestri og ég í ritgerðarskrifum. Prófin byrja á þriðjudaginn hjá drengnum og klárast 15. des. Svo fær dýrið frí....
Ég skila hins vegar 3 stk ritgerðum þann 12. jan 07 sem þýðir að ég fæ ekkert almennilegt jólafrí. Sennilega verður það bara samviskubit heima á Íslandi þar sem ég ætla að reyna að sleppa við yfirvigt í þessari fer og skilja bækurnar eftir heima..
Annars er þetta snildar skipulag hjá mér því ég byrja næstu önn 8. janúar þ.e. 4 dögum áður en ég skila inn fyrir haustönnina. Svo fæ ég einkunnirnar í maí.

Jæja ég er að hugsa um að fara að koma mér í háttinn - er með þessa líka skemmtilegu bók á náttborðinu hjá mér, The Boy I Love. (fékk hana á 99p ;) )Hún fjallar sem sagt um samkynhneygðan mann árið 1915 sem giftist kærustu bróður síns sem lést í stríðunu - svo snúast hlutirnir sem sagt um samfélag samkynhneygðra karlmanna í byrjun síðustu aldar... Ég er nú ekki komin lang, kannski verður þetta hin best bók eftir allt.

Góða nótt,
Unnur Kristín

2006-11-30T19:21:00.000Z

Þá er það uppskeruhátíðin!!!

Annars skil ég ekki hvað þetta er með mann. Fæddur og uppalinn á Akranes, let's face fact, það getur verið vindasamt þar. Bjó í Bgn. Jesús, minnumst ekki á rokið þar ógrátandi. Og núna, Edinborg og hinir skosku "gales". Það var allavega ekki logn í dag í Edinborg.

Svo er það bara spurning, hvaða uppskeruhátíð er í gangi.

Kv.
Doddi

2006-11-28T23:08:00.000Z

Já og Dagný (...hvaða Dagný...) - til hamingju með daginn !!!

Kv.
Unnur Kristín

2006-11-28T23:06:00.000Z

Kannski er ég á eftir öllu með þetta en ég var að sjá þetta og fannst þetta sniðugt :)

fi yuo cna raed tihs, yuo hvae a sgtrane mnid, too. Cna yuo raed tihs? Olny 55 plepoe tuo fo 100 anc. i cdnuolt blveiee taht I cluod aulaclty uesdnatnrd waht I was rdanieg. The phaonmneal pweor of the hmuan mnid, aoccdrnig to a rscheearch at Cmabrigde Uinervtisy, it dseno't mtaetr in waht oerdr the ltteres in a wrod are, the olny iproamtnt tihng is taht the frsit and lsat ltteer be in the rghit pclae. The rset can be a taotl mses and you can sitll raed it whotuit a pboerlm. Tihs is bcuseae the huamn mnid deos not raed ervey lteter by istlef, but the wrod as a wlohe. Azanmig huh? yaeh and I awlyas tghuhot slpeling was ipmorantt! .....

Kveðja,
Unnur Kristín

2006-11-21T14:52:00.002Z

Mikið svakalega er maður fljótur að aðlagast nýjum aðstæðum. Maður hugsar með hrolli, gæsahúð og öllum pakkanum um snjóinn og kuldann á Íslandi þessa dagana þegar maður skellir sér í pils og labbar í um 30 mín í skólann á daginn!! Ekki það að hér sé sól og sumar en...

Við fórumDoddi í góðan labbitúr hér um Edinborg með leigusölunum okkar á laugardaginn sl. Við löbbuðum meðfram Water of Leith og fórum í Royal Botanic Garden. Mikið svakalega er þessi blessaða borg falleg! Held að ég sé að verða ástfangin í annað sinn... Þetta er a.m.k. göngutúr sem við verðum að taka gesti með í þegar þeir koma!! Við ætlum a.m.k. að fara þarna aftur næsta sumar til að sjá þetta í sínum besta standi.

Smá linkar á gönguslóðirnar: http://www.waterofleith.org.uk/river/river.shtm og http://www.rbge.org.uk/rbge/web/index.jsp

Annars er allt í sínu besta standi hérna - Doddi greyið í hópverkefnavinnu ;) Alltaf stuð hjá honum og nú er hann búinn að taka stjórnina og drösla öllum skrílnum hérna heim í stofu til að drífa hlutina af!! Ég sit því hérna í mínum heimi inn í herbergi með Bubba 06.06.06 í eyrunum, slóra á netinu... og les evrópskan samkeppnisrétt.

Þar til næst...
Unnur Kristín

2006-11-16T23:24:00.000Z

Jæja, stuð á Bifröst þessa dagana!! Bifrestingar eru nú þekktir að halda upp góðri stemmningu ekki satt... en er þetta ekki orðið einum og langt gengið... eða hvað???

Kveðja,
Unnur Kristín

2006-11-14T22:45:00.000Z

Bölvað!

Verkefnavinna!

...

Doddi

2006-11-06T17:07:00.000Z

Jæja, ég verð að setja nokkrar línur hérna inn til að halda í við karlinn í þessum bloggmálum! ...og ég get meira að segja sagt smá fréttir! Já, það er nú orðið opinbert að við ætlum að skella okkur á klakann um jólin. Þetta verður samt stutt stopp þar sem við fljúgum til landsins 21. des og til Edinborgar þann 28. des. Það verður því rétt skotist til að næla sér í jólasteikina og heimatilbúna ísinn hjá múttu og svo síðast en ekki síst hinu ógleymanlega jólahlaðborði sem Lára og Dagný ætla að töfra fram og skipuleggja handa okkur :) (já, nú er komin pressa á ykkur stelpur!) Það ætti nú svo sem ekki að vera flókið þar sem ég borða ekki rautt kjöt og útilokar það blessað hangidýrið og villibráðarviðbjóðinn!!!

Áramótin verða svo tekin með trompi í Edinborg en hér verður mikið um að vera skilst mér. Held að hátíðarhöldin byrji 29. des og standi fram á 1. jan (meðtalinn). Við verðum að kaupa okkur miða til að komast inn í miðbæinn þar sem allt stuðið verður :) Gæti verið skemmtilegt og ef einhver veit ekki ennþá hvað hann á að gera um áramótin þá er laust svefnpláss hér á 7/8 West Powburn :) Það er ennþá nóg til á áfengislagernum síðan síðustu gestir voru hér :)

Annars er lítið um að vera þessa dagana eftir gestagang hjá okkur undanfarnar helgar.
Maður hefur því verið tilneyddur að líta í blessaðar skruddurnar... ég er sem sagt búin að sitja á sama stað alla helgina og lesa... og ekki búin að ná að lesa nema svona 20% af leslisum næstu viku. Ég held því að sjálfsögðu fram að þessi lága prósenta stafi af gríðarlega löngum leslistum en ekki slakri frammistöðu minni :) (kannski er það þó hvort tveggja bara).

En jæja best að halda aðeins áfram að minnka helv... leslistana áður en maður mætir á bekkjakvöld á pub-num í kvöld... orðin hefð held ég annan hvern mánudag hjá okkur - Flöskubjór á 1 pund. Hver stenst það!!

Hils.
Unnur Kristín

2006-11-05T16:03:00.000Z

Nú líður mér bara eins og versta Breta. Það er ekki langt síðan að fréttir bárust af því að Bretar væri 2. feitasta þjóð í heiminum. Stór ástæða fyrir því er hófleg bjórdrykkja og óhóflegt át á snakki.
Þar sem ég dvel flestum stundum þessa dagana í hópavinnu í skólanum þá virðist ég hafa tekið upp þá iðju að prófa nýja gosdrykki og snakk. Tvennan í gær var nokkuð slæm en hátíð miðað við daginn í dag; 5 ALIVE Citrus Burst og Walkers Roast Chicken. Jesús, hvað er að manni.

Annars er maður í bullinu með þessa verkefnavinnu. Hún klárast vonandi að mestu í kvöld og þá losna ég úr fjötrum hópavinnu næstu vikuna eða svo. Jibbý!!

Að öðru máli hins vegar. Í kvöld verða brennur og flugeldasýningar um allt Bretlandi til 'heiðurs' Guy Fawkes. Árið 1605 ætlaði áðurnefndur Guy Fawkes ráða af dögum King James I (James VI of Scotland) og meðlimi "House of Lords" (þingmenn sem sagt) með því að sprengja upp Westminster Palace. Þetta komst þó upp og Guy Fawkes of vitorðsmenn hans voru dæmdir til dauða fyrir landráð og morðtilraun (eftir yfirheyrslur og pyntingar).

Þetta var svona smá fróðleiksmoli um sögu Bretlands í ljósi þess að annar alræmdur maður hefur í dag verið dæmdur til dauða.

Best að halda áfram.
Doddi

2006-11-04T18:02:00.000Z

Versta tvenna fra upphafi held eg: Dr. Pepper (tar sem Coke var uppselt i sjalfsalanum) og Walkers French Fries (Worcester Sauce Flavour). Hvurslags asnahattur er a setja svona a markad, meiri bjanarnir sem kaupa tetta. Samt tokst mer nu ad klara tetta.

Annars hefur madur varla sed dagsbirtu undanfarnar tvaer vikur eda svo tar sem madur er fastur verkefnavinnu. Hopavinna i fjoltjodlegu samfelagi er ekki ad gera sig.

Jaeja, best ad halda afram svo eg komist heim, vonandi rett aftur hefdbundinn matmalstima.

Doddi

2006-10-29T16:26:00.000Z

Já komiði sæl og blessuð. Nú eru hlutirnir heldur betur farnir að gerast hér í Edinborginni, jebb, við erum komin með nettengingu inn á heimilið! Við erum sem sagt komin í tengingu við umheiminn á ný og getum kíkt á hann Boga okkar Ágústsson á www.ruv.is ef við viljum sjá kunnulegt andlit hérna.
Annars er búið að vera líflegt hérna hjá okkur undanfarið. Mútta gamla kíkti yfir til að taka place-ið út og var hjá okkur í nokkra daga um síðustu helgi og núna eru Dagný, Doddi, Lára og Vigfús í heimsókn! Þannig að nú er bara bjórinn teygaður og Princes Street er arkað! Mín skellti sér líka í Sainsburry's á föstudaginn til að kaupa vistir fyrir fólkið! Ég get alveg sagt að það var ekki næringarinnihaldið eða hollustan sem réði ríkjum í þeirri ferð. 2 kassar af bjór, 2 rauðvín, snakk, nammi, gos o.þ.h. var á innkaupalistanum. Meira að segja leigubílstjórinn hafði orð á því við mig hvort að það væri gleði um helgina!! (en mín þurfti sem sagt að taka leigubíl heim því ég réði ekki við áfengið og snakkið).

En gestirnir mættu á svæðið á föstudaginn í kaldann bjór og snakk - þjóðarrétt breta!
Við vorum hins vegar nokkuð róleg á föstudeginum og var bara safnað kröftum fyrir langan dag á Princes Street á laugardaginn (í gær). Ekkert var svo til sparað þegar við "systurnar þrjár" fórum af stað. Karlarnir fóru á pub-inn og við í verslanir... og það var verslað... Ég tapaði mér svo illilega í þessum leiðangri að ég gleymdi pokum og öðru lauslegu um víð og dreif og þurftum við, án gríns, að fara í morgun til að hirða upp draslið mitt í búðunum. Ég hafði sem sagt gleymt tveimur bolum sem ég kaypti mér í einni búiðinni. Svaf mín eitthvað takmarkað í nótt yfir þessum missi og var ég vöknuð um hálf sex í morgun. En pokinn var á sínum stað og fékk mín meira að segja jakka í "kaupbæti" þegar ég sótti bolina! Standi aðrir sig betur en það!

En jæja, læt þetta nægja að sinni.

Unnur Kristín

2006-10-20T14:07:00.000Z

Lifid er stutt ...

Tad er meira hvad tessi fimm aur lifdi stutt!! Strax farid ad heimta eitthvad meira.

Tad sem helst er i frettum:
1. Tengdo er i heimsokn.
2. Taer maedgur eru i tessum toludu ordum (fostudagur kl. 15:00) ad versla.
3. Doddi er ad laera. Otrulegur dugnadarforkur tessi drengur (eda bara svona svakalega tregur).
4. Her er allt gratt (tid verdid ad afsaka tviraednina, eg get ekki sett kommu fyrir ofan a, bresk lyklabord).

Eg er ad vinna gridarlega skemmtilegt verkefni um Credit Default Swaps (tetta verdur orugglega til tess ad flestir haetta ad lesa bloggid!). Gengur sem sagt i grofum drattum ut a tad ad tu getur keypt ter tryggingu gegn tvi ad vidkomandi skuldari borgi ekki lanid sem vid hofum veitt honum.

Naesta vika hja okkur er "Reading Week" tannig ad tad eru engir timar. Margir myndu nu bregda undir sig betri "fotnum" og lyfta ser upp. Nei, nei ekkert gefid eftir herna. Massiv verkefnaskil framundan hja mer tannig ad madur verdur ad sitja vid.

Hefur einhver sed "Hell's Kitchen!"? Tad er bara med fyndnari raunveruleikatattum sidari tima. Stjornandinn er svo gedvondur og ordljotur, graetir reglulega keppendur og tar frameftir gotunum.

Annars virdist litid hafa breyst a Islandi midad vid tad sem madur ser. Leynitjonustuplott, hvalurinn og menning frumbyggja og landnema. Klassiskt!!

Mer dettur ekkert meira i hug. Meira hvad madur er snubbottur.

Until next time, ta ta!
Doddi

2006-10-05T10:44:00.000Z

FIMM AUR!

Sat í bússinum á leiðinni í skólann um daginn. Rak þá augun eins og svo oft áður í fríblað sem að liggur til lestrar í bússinum. Þetta er svona svipað og í lestunum í Kaupmannahöfn og sjálfsagt víðar. Eins og blaðið í Kaupmannahöfn þá heitir þetta hér líka METRO. Mér fannst þetta nafn nú ekkert sérstaklega lýsandi. Einhverjum dytti þá í hug að kalla þetta BÚSSÓ. Nei, ég myndi ganga örlítið lengra. Hvað með STRÆTÓ?!?

2006-09-29T09:55:00.000Z

Hallo allir saman.

Min komst i samband vid umheimin nuna (komst a netid) og akvad ad skella nokkrum linum herna inn.
Svo ad eg byrji nu a ad tala um that sem alla islendinga langar ad vita ta er vedrid her bara buid ad vera fint!

Hins vegar ganga tolvu og taeknimal afskaplega haegt herna og thar sem eg er islendingur og von ad fa that sem eg tharf helst i gaer tha verdur thetta nett pirrandi!!!! En svona er lifid, thad ef vist ekki alltaf jolin hja manni!

Annars er eg ad fara a thetta fina stefnumot a eftir, jebb hver haldidi ad hafi verid sa allra fyrsti til ad heimsaekja mig (finn ekki spurningarmerki a thessari tolvu) Ju, svarid er ad thad er enginn annar en hann Arnor Snaebjornsson!! Reyndar verd eg ad vidurkenna ad eg var nu ekki eina astaedan fyrir thvi ad hann kom en an efa hef eg verid su staersta (broskarl - finn ekki heldur tvipunkt til ad gera broskarl). En thad verdur gaman ad sja hann.

Annars er svo sem litid ad fretta hedan, skolinn farinn a fullt og eg skal segja ykkur ad lesefnid er nu ekki i minna lagi! Sennilega a madur aldrei eftir ad na ad lesa thad allt, amk ekki fyrir hvern tima!

Doddinn minn hefur thad lika gott og er kominn i verkefnavinnu i skolanum sem baetist ofan a blessadan leslistann.

En thar sem skolinn hefur tekid af okkur mest af okkar tima hofum vid ekki einu sinni farid ut ad borda eftir ad vid komum hingad og sjaum svo sem ekki fram a thad alveg strax ad geta tekid okkur fri til thess, thvi audvitad verdur ad fa ser einn "kjaeldan Tennants" enda bjorinn svo odyr og vid "graedum" bara a ad drekka hann!

Jaeja thad er best ad fara ad koma ser ad verki svo eg verdi buin ad gera thad sem tharf ad gera adur en minn skylduraekni skolabrodir laetur sja sig (broskarl)

Med bestu kvedjum fra Edinborg,
Unnur Kristin

2006-09-20T09:25:00.000Z

Já, það er best að fylla í eyðurnar sem maðurinn minn skilur eftir sig :) Nýja e-mailið mitt er sem sagt eftirfarandi: s0678195@sms.ed.ac.uk
Annars er maður að smátt og smátt að aðlagast umhverfinu hérna og ég verð að segja að lagaskólinn hér er töluvert frábrugðin lagadeildinni á Bifröst. Hér sit ég á bekkjum sem eru c.a. 300 ára gamlir, þ.e. svona gamaldags trébekkir þar sem borðin eru föst við... En svo eru nú líka "nútímalegri" stofur þar sem eru hefðbundin borð og stólar en í þeim stofum er allt teppalagt og massív málverk á veggjunum. Já það fer eiginlega ekki á milli mála að maður dettur aftur um nokkur ár :)
Auðvitað dettur ekki nokkri lifandi sálu það í huga að opna fartölvu í þessum sölum enda myndi það bara ekki passa!! Þannig að nú er bara að æfa sig upp í skriftinni aftur!!
Hins vegar er fyrsta vikan hér skipulögð þannig að allir fyrirlestrar í meistarnáminu eru opnir og svo vel ég í næstu viku þá sem ég ætla að sitja. Ég er því búin að vera að rúnta á milli kúrsa og skoða, window shopping eins og þetta er kallað. Svo byrjar alvaran í næstu viku!!

Jæja nóg í bili.
Kv.
Unnur Kristín

2006-09-19T15:22:00.000Z

Flutt til Edinborgar

Erum nú bæði lent í Skotlandi og svona hægt og sígandi að koma okkur fyrir í Edinborg.
Skólinn er byrjaður og hann lítur vel út bara.
Erum að basla við að opna bankareikning hérna sem eitthvað er hægt að gera með en það tekur einhverjar 4 vikur. Þar til hann er kominn þá verður við netlaus heima við og drekkum því ótæpilega mikið kaffi á Caffé Nero (internet/kaffihús).
Veðrið (svo maður taki nú íslenskuna á þetta) hefur verið bara ágætt. Sól og steik bara fyrstu dagana, svo einn dagur sem rigndi eld og brennistein. Annars heyrist manni á fólki sem hefur búið hérna að maður verði að vera viðbúinn hverju sem er þegar veðrið er annars vegar.
Íbúðin er fín eins og við bjuggumst svo sem við. Heimilisfangið er:
7/8 West Powburn
Edinburgh
EH9 3EN

Erum kominn með heimasíma sem er: +44 0131 668 4501. GSM númer er eitthvað sem hefur farist fyrir að ná sér í en það verður bætt úr því fljótlega.

E-mail sem hægt er að ná í mig (Doddi) er s0676365@sms.ed.ac.uk. Man nú reyndar ekki Unnar en það má líka senda á unndod@visir.is ef einhver hefur áhuga að senda öðru hvoru okkar, eða báðum, línu.

Þegar netið kemst upp heima, vonandi fyrir jól, þá verður líklega virkari fréttaflutningur héðan, tala nú ekki um gátur og annars konar fimmaurar!

Svarið við síðustu gátu er: "Meira viský".

That's all folks for today!

Doddi

2006-08-28T17:48:00.000Z

Einum endajaxli færra í kjaftinum á mér frá og með deginum í dag. Bjóst við að losna við alla en tannlæknirinn "wimped out"!

Fyrsti (og mögulega síðasti) fimmaurinn (í formi gátu): "Hvað er svarið við Minnisota?" (Heimildar verður getið ef þess er krafist)

Kv.
Doddi

2006-08-25T10:41:00.000Z

Jæja ég var á www.mbl.is og sá fyrirsögnina: "Reiknað með því að 13 milljónir Breta verði akfeitar árið 2010" Frekar slæm frétt og allt það en svo var þessi mynd með sem á þá væntanlega að vera mynd af einum AKFEITUM!!! Dæmi hver fyrir sig!

2006-08-21T11:54:00.000Z

FLUTT FRÁ BIFRÖST !!!!!!

2006-08-15T17:17:00.000Z

Samkvæmt Guðrúnu Margréti Guðmundsdóttur, í Sjónarhóli Fréttablaðsins í gær, tilheyra bændur fortíðinni. Hún er sem sagt að fjalla um Framsóknarflokkinn og segir hún orðrétt: "Annars hefur mér fundist Framsóknarflokkurinn eiga í innri baráttu um hvort hann eigi að vera flokkur bænda EÐA sigla inn í nútímann." (leturbreytingar eftir mig) Já, vinir og vandamenn ég hef á grundvelli þessara ummæla Guðrúnar ákveðið að líta á foreldra mína í þátíð. Ekki virðist ég geta fjallað um þá í nútíð og Guð sjálfur forði mér frá því að hugsa um að líta á þá í framtíð!

kv.
Unnur Kristín

2006-08-14T00:56:00.000Z

Ég var nú komin í háttinn og var að lesa í ljóðabók Davíðs Stefánssonar frá Fagraskógi, Í dögun, sem kom út árið 1960 þegar ég rakst á þetta ljóð sem ég hreinlega verð að deila með ykkur.

Hversu lengi -?

Hversu lengi, hvíti maður,
hversu lengi ætlar þú
að kvelja þína blökku bræður,
brenna þá við hægar glæður,
storka þeim með vopnavaldi,
vífilengjum, afturhaldi,
ættarhroka, auðvaldstrú?
Hversu lengi, hversu lengi?
Hverju svarar þú?

Hversu lengi hyggst þú herða
hundrað ára bönd,
ræna gulli og gimsteinum
á Góðravonaströnd,
einskis virða óskir manna,
eign og föðurlönd?

Hversu lengi hyggst þú herða
heimsins sultaról,
læðast um og látast veita
líkn, en vera fól,
með biblíu í hægri hendi,
í hinni - píslartól?

Hversu lengi vilt þú vega
vopnlaust fólk, sem gegn þér rís,
fólk, sem býr við tár og trega?
Þér tekst að vísu snilldarlega
að brytja niður blökkuþjóð,
sem brauð og frelsi kýs.
En finnst þér ekki lagzt of lágt,
að ljónið veiði mýs?

Hversu lengi læzt þú hafa
lyklavöld - í Paradís?

2006-08-08T15:43:00.000Z

Nú er verslunarmannahelgin liðin og sumarið formlega búið. Ég byrjaði í mínum næst síðasta kúrsi hér á Bifröst í morgun og mikið er það góð tilfinning að vera rétt að sleppa héðan í burtu! Flutningar þann 10. september til Edinborgar og Fresher's week byrjar þann 11. Svo held ég að kúrsarnir byrji vikuna þar á eftir... ekki laust við að maður fái örlítið kítl í magan og enn meiri kvíðahroll yfir því að fara þarna út og þykjast læra eitthvað... en það kemur í ljós hvort maður hangi þar fram á vorönn :)

Lítið annars að frétta en að við vorum bara nokkuð slök um helgina og höfðum það gott. Lágum bara í video á föstudaginn og svo var matur hjá Lúlla og Guðrúnu á laugardeginum sem endaði í bjórdrykkju fram til klukkan fjögur um nóttina. Svo renndum við í sveitina mína á sunnudeginum og létum dekra við okkur þar í mat og drykk fram á mánudag.

Jæja, aftur í hinn danska praktisk aftaleret...

kveðja,
Unnur Kristín

2006-07-31T20:09:00.000Z

31. júlí takk fyrir! Sumarið er að verða búið, komið kolsvarta myrkur á kvöldin og skólinn á fullu skriði. Já, og karlinn búinn að eiga afmæli. Búinn að ná mér að aldri og orðinn grásprengdur og flottur :) Annars varð drengurinn 26 ára í gær og að sjálfsögðu hagaði ég mér eins og undirgefin eiginkona og fór á fætur rúmlega níu um morguninn til að skella afmæliskökunni í ofninn. Draumakakan, hún Betty, var tilbúin 23 mín síðar og drengurinn brosti út að eyrum :)

Frá frúnni fékk hann svo hjól í afmælisgjöf. Það er nú reyndar ekki frásögu færandi nema minni gekk heldur illa í verslunarleiðangrinum. Þannig var að haldið var í Útilíf í Glæsibæ til að versla eitt stk hjól. Valdi ég hjólið, Jamis - 21 gíra fjallahjól. Afgreiðslumaðurinn hjálpaði mér með það upp stigann en svo tók ég við. Ég var að sjálfsögðu á gráa greyinu okkar, Avensis, og ætlaði að snara niður aftursætunum og skella hjólinu í skottið. Ég tætti mig sérstaklega glöð í bragði yfir að hafa fundið afmælisgjöf með hjólið yfir bílastæðið, skellti svo aftursætunum niður og opnaði skottið. Svo byrjaði þvílíkur barningur. Hjólið komst ekki fyrir. Aftursætin leggjast alveg niður en það opnast aðeins smá hringur frá skottinu í farþegarýmið og hjólið komst ekki inn. Þeir sem þekkja mig vita hvurslags þrjóskuköst ég get tekið og þið verðið að ímynda ykkur mig í mínu allra versta. Bjartur í Sumarhúsum tók völdin og ætlaði ég hreint ekki að viðurkenna að ég kæmi ekki þessu hjóli í skottið. Ég reyndi allar aðferðir og stellingar og göt... en ekkert gekk. Hefði ekki verið fólk á stæðinu hefði ég án efa farið að grenja af illsku og sparkað þetta helv... þil á milli skottsins og farþegasætisins niður. En Unnur hringdi í Ásu sem náði að róa hana aðeins niður (og hlæja smá að henni). Því næst var hringt í Davíð bróðir en hann var bíllaus í vinnunni og Lísa með Aldísi Emmu í skoðun þannig að ekki gekk það. Davíð stakk upp á að ég myndi nú bara hjóla bévítans hjólinu til hans! Ég ætlaði nú ekki að fara að slasa mig á þessu hjóli, enda varla hjólað síðan ég brunaði eftirminnilega á bílskúrinn heima þegar ég var krakki.
Á endanum var svo bara hringt í Doddann sem var að vinna í Síðumúlanum og hann "vinsamlega" beðinn um að mæta niður í Glæsibæ. (þið getið ímyndað ykkur kátínuna í mér þegar ég þurfti að gefast upp!). Doddi fékk nett sjokk um að eitthvað hefði komið fyrir en ég átti að vera komin á Akranes fyrir löngu. En drengurinn mætti og fékk afmælisgjöfina afhenta við svona líka eftirminnilega athöfn á bílastæðinu fyrir utan Glæsibæ! Var hann ánægður með gjöfina en sennilega hefur hann orðið ánægðastur með það þegar ég hreytti út úr mér að næst yrði keyptur jeppi þar sem það kæmist ekki nokkur skapaður hlutur í þessa helv... drus...!

En afmælisdagurinn leið nokkuð áfallalaust og ég hafði jafnað mig á þessum hremmingum.

þar til næst...

2006-07-29T22:35:00.000Z

Ping golfmótið í Borgarnesi

Þann 29. júlí tók undirritaður þátt í golfmóti í Borgarnesi. Sló hann þar 79 högg sem er svo sem ekkert magnaður árangur. Hins vegar tókst drengnum að slá næst holu á 8. holu í 1. höggi, 131 cm (8 mm nær heldur en Gummi Dan. sem sló stuttu áður). Fyrir þetta vann drengurinn sér inn Ping golfpoka.

Blóm og kransar vinsamlega afþakkaðir.

Doddi

2006-07-23T20:01:00.000Z

Nú er sumarfríið búið og skóli í fyrramálið! Evrópskur félaga- og skattaréttur bíður eftir mér í fyrramálið og fram til fjögur...

Að öðru leiti var helgin bara nokkuð bókuð. Doddi tók sér frí á föstudaginn og við kíktum í sveitina mína. Ágætis rúntur yfir Gjábakkann og svo Hellisheiðna til baka upp á Skaga. Reyndar komum við við á Selfossi og Herrann á heimilinu bauð mér út að borða í orðsins fyllstu. Pylsuvagínn á Selfossi "besti bitinn í bænum" varð fyrir valinu og settumst við hjónakornin á bekk þar fyrir utan. Svo var fyrsti bitinn tekinn af hamborgaranum um leið og fyrsti rigningardropinn datt á skallann á okkur. Þá varð rómantíkin búin og það var skellt sér inn í Avensis til að klára máltíðina.
Annars kíktum við svo í smá rauðvín hjá Stefáni Orra og Drífu þá um kvöldið og buðu þau okkur upp á eðal rauðvín, takk fyrir okkur :)

Laugardagurinn fór í flutninga. Lúlli og Guðrún komin með virkilega flotta íbúð á Skaganum var allt flutt í einni ferð úr Breiðholtinu upp á Skaga. Þau buðu okkur svo í pizzu og bjór um kvöldið og var farið í "maju" sem Lúlli útskýrði og stjórnaði eins og honum er einum lagið... kennarinn í honum í aðalhlutverki :) Mjög skemmtilegt kvöld eftir góðan dag. Til hamingju aftur!

Í dag skelltum við okkur svo á útsölur í Kringlunni og eitthvað var verslað, ekki neitt mikið þó enda sér maður alltaf flottari nýjar vörur við hliðina á útsöluvörunum! Svo var bara tekin KFC á leiðinni heim og nú liggur maður heima að springa úr seddu, og ég endurtek: seddu!

Jæja, nokkuð markverðri helgi lokið hjá okkur og skóla- og vinnuvika taka við í fyrramálið.

2006-07-07T14:48:00.000Z

Eftir skammir frá Lilju minni þá ákvað ég að henda inn hérna nokkrum línum!
Allt við það sama hér á Bifröst, loksins komin í frí frá skólanum er ennþá að vinna aðeins á rannsóknarsetrinu hérna uppfrá og svo kalllllinn auðvitað í SPM.
Annars er komin dagsetning á hvenær skólinn byrjar hjá okkur í Edinborg en það er 11. september og allir á heimilinu orðnir óhemju spenntir :) Hins vegar verð ég að segja mig úr Bifröst á meðan ég er þarna úti og hætti hér því formlega 1. september en á þá bara eftir að skrifa lokaritgerðina mína. Þetta eru bírókratar þarna úti :)

en þar til næst...
Unnur Kristín

2006-05-23T09:29:00.000Z

Smá innskot í partýið hjá henni Láru okkar um helgina...

2006-05-23T09:19:00.000Z

Ég held að Silvía Nótt hafi bara haft á réttu að standa í textanum sínum þegar hún segir: "Eurovision-nation ég fer fyrir þig..." Já, við skelltum okkur í Eurovision-partý með Paul Oscar á Nasa á laugardaginn og þvílík stemmning!! Þetta verður seint toppað held ég. Nasa troðfullt og allir, og ég meina allir í þvílíkum fíling - ekta júróvísjónfílíng. Öllum lögum fagnað og þakið ætlaði af húsinu þega Eiríkur Hauksson og félagar í Icy stigu á stokk og ég tala nú ekki um Eyfa og Stebba! Snilldin ein og ef ég verð á Íslandi á næsta Eurovision þá vitiði hvar þið megið finna mig :)

En að íslenska veðrinu. Yndislegt hér á Bifröst- maður lítur út um gluggann og sér bara hríð. Sumar og sól eitthvað mjög langt í burtu frá manni núna enda ritgerðarvinna framundan líka. En þetta hlýtur að hafast og sumarið mætir nú vonandi til okkar þetta árið, nú annars er það bara að strauja vísað og skella sér á Ibiza!

þar til næst..

Unnur Kristín

2006-05-17T15:48:00.000Z

Loksins! Þá er prófatörninni lokið, vonandi amk en ég á ennþá eftir að fá úr einhverjum prófum. Ekki mæting fyrr en 25. júlí og þá hefst lokatörnin hér á Bifröst, víhí. Þótt Bifröst sé ágætis staður þá fer þetta nú alveg að verða komið gott af dvölinni hér. Vesalings Doddi búinn að vera viðloðandi þennan stað síðan hausið 2000 og ég síðan 2001 og nú er alveg að koma haustið 2006. Já, komið gott af vesturlandinu í bili fyrir mig, endalaus sjór og rok! Annað en fagurgrænir túnbalar og blankalogn í skógivöxnum hlíðum Laugardalsins, skoppandi hænur og heimalingar við hvert fótmál, gerist bara ekki betra.

En svo er nú mál málanna núna á morgun og um helgina. Sylvía Nótt að mæta á svið í Eurovision! Veit ekki hvernig fer með morgundaginn hjá okkur hjónunum því við ætluðum að bregða undir okkur betri fætinum og skella okkur á höfuðborgarsvæðið svona til tilbreytingar. En á laugardaginn verður dagurinn tekinn snemma, ójá. Mæting í Salalaug kl: 15:00 með Láru, Vigfúsi, Dagnýju, Dodda og vonandi Tómasi. Þar verður reynt að sóla sig í góðan klukkutíma áður en farið verður að grilla. Þetta á eftir að vera dásamlegt kvöld hvort sem að Sylvía verður á sviðinu eða ekki. Enda hef ég ekki ennþá haft tíma né tækifæri á að fagna próflokum.......

2006-05-10T22:54:00.000Z

Golfvertíðin er að ganga í garð. Haldið var á æfingasvæðið í fyrsta skipti á sunnudaginn. C.a. 100 boltar voru slegnir, fæst högg ásættanleg, mörg hver hefðu jaðrað við byrjendaheppni. Slælegur árangur var þó ekki það versta. Harðsperrur fylgdu þessu. Algert formleysi er sem sagt niðurstaðan og óvíst hvort reynt verður aftur að lemja þessa hvítu kúlu.

Datt í einhverja mynd hérna á BBC og ætlaði nú að poppa. Eitthvað fór það illa þar sem mökkur rauk út úr örbylgjuofninu þegar allt átti að vera klárt. Lyktin fer sjálfsagt seint úr íbúðinni þó lítil sé.

En að öðru.

Hér má sjá skólann sem ég sæki næsta haust og hér neðar má sjá Unni Kristínu og Greyfriars Bobby en hann er frægur fyrir að hafa setið við gröf húsbónda síns í 14 ár þar til hann dó sjálfur árið 1872.

Unnið verður að því vonandi fljótlega að koma fleiri myndum. Allt hefur þó sinn tíma.

2006-05-06T21:46:00.000Z

Ergelsi!

Loksins kom ég Links inná þetta dót en það er eitt sem fer agalega illa með mig. Það er ef maður "skrunar" niður (svo maður sletti íslensku") og "skrunar" svo aftur upp þá kemur hvít lárétt rák þarna efst. Hvað er það?

En að öðrum skemmtilegri málum þá er myljandi stemmning hérna á Bifröst, einhverjir í prófum, aðrir búnir með prófin og einn að berjast við einmanaleikann, tómleikann og þá grimmu staðreynd að fá ekki að taka nein próf. TOEFL búið þannig að sá gluggi er ekki til staðar. Ætli maður verði ekki bara að bíða þar til í desember með spenninginn að sýna fólki hvað í manni býr. Er það ekki rétti andinn í prófalestri?

Annars er Skotlands-reisa á dagskrá í byrjun júní. Unnur hótar því að velgja Visakortinu verulega undir uggum og ætlar að öllum líkindum að banna mér að fara í golf þar. Stefnan er einnig, fyrir utan verslun, að skoða íbúð sem við munum væntanlega leigja í haust, vafra í einn dag um Glasgow og fara rúnt um skosku hálöndin (nú heyri ég einhverja segja að varla förum við í einhver önnur en SKOSKU hálöndin verandi í Skotlandi) og rúsínan í pylsuendanum verður keppni milli okkar hjónanna hvort sér Loch Ness fyrst!

Svo með haustinu mun spennandi fjárfestingarkostur standa fjársterkum aðila til boða. Meira um það síðar.

2006-04-25T17:54:00.000Z

Hver fann uppá prófum? Hverjum dettur svona vitleysa í hug? Jáhá, spyr sá sem ekki veit!

Allir kennaravinir mínir! Nú vil ég svör!!!

2006-04-16T11:46:00.000Z

Tvö stór páskaegg á borðinu og hellingur af öðrum sætindum!! Páskadagur í Einihrauninu hjá okkur hjúunum. Sennilega fyrsti páskadagurinn sem við erum bara heima hjá okkur. En tengdó af Skaganum eru væntanleg í mat í kvöld þannig að það er pressa á minni ;)

En óska bara öllum gleðilegra páska !!

hils
Unnur Kr.

2006-04-13T20:33:00.000Z

Eitt sem ég gleymdi. Doddi gaf mér Sex and the City safnið í afmælisgjöf og er ég á síðustu seríunni..... óhemju hamingja búin að vera yfir þessari gjöf :) Svo var ég á blogginu hennar Lilju minnar og sá link á svona "hverri ertu líkust" próf. Lilja er Charlotte... hehehehe yndisleg alveg :)

En ég skellti mér inn og tók prófið..... og hér er útkoman:

***You Are Most Like Carrie!***

You're quirky, flirty, and every guy's perfect first date.
But can the guy in question live up to your romantic ideal?
It's tough for you to find the right match - you're more than a little picky.
Never fear... You've got a great group of friends and a
great closet of clothes, no matter what!

Romantic prediction: You'll fall for someone this year...

Totally different from any guy you've dated.

Veit nú ekki alveg með áreiðanleikan á þessu en gaman að þessu samt :)

kv.
Unnur Kristín